സോളാർ വൈദ്യുതി എന്താണ്, അത് എങ്ങനെ പ്രവർത്തിക്കുന്നു?

നമ്മുടെ ദൈനംദിന ജീവിതത്തിൽ വൈദ്യുതി ഇല്ലാത്തൊരു ദിവസം നമുക്ക് സങ്കൽപ്പിക്കുവാൻ  കഴിയില്ല. വൈദ്യുതി ആധുനിക ജീവിതത്തിന്റെ നട്ടെല്ലാണ്. പരമ്പരാഗത ഊർജ്ജ സ്രോതസ്സുകൾ ക്ഷയിച്ചുകൊണ്ടിരിക്കുന്ന ഈ സാഹചര്യത്തിൽ, പുനരുപയോഗ ഊർജ്ജത്തിന്റെ പ്രാധാന്യം കൂടിയിരിക്കുന്നു. ഇതിൽ ഏറ്റവും ശ്രദ്ധേയമായ ഒന്നാണ് സോളാർ എനർജി അഥവാ സൗരോർജ്ജം. സൂര്യനിൽ നിന്നുള്ള പ്രകാശത്തെ വൈദ്യുതിയാക്കി മാറ്റുന്ന സാങ്കേതികവിദ്യയാണ് സോളാർ പവർ. ഈ സാങ്കേതികവിദ്യയെ കുറിച്ച് വിശദമായി പരിചയപ്പെടുന്നത് കാലത്തിന്റെ ആവശ്യമാണ്.

സോളാർ വൈദ്യുതി സൂര്യപ്രകാശത്തെ നേരിട്ട് വൈദ്യുതിയാക്കി മാറ്റുന്ന ഒരു പ്രക്രിയയാണ്. സോളാർ പാനലുകളുടെ പ്രവർത്തനം വളരെ ലളിതമാണ്. ഇവയുടെ അടിസ്ഥാനം ഫോട്ടോവോൾട്ടെയിക് സെല്ലുകളാണ്, സാധാരണയായി സിലിക്കൺ ഉപയോഗിച്ചാണ് ഇവ നിർമ്മിക്കുന്നത്. ഈ സെല്ലുകളിൽ P-type (പോസിറ്റീവ് ചാർജുള്ള ഹോളുകൾ) ലെയറും N-type (നെഗറ്റീവ് ചാർജുള്ള ഇലക്ട്രോണുകൾ) ലെയറും ഉണ്ടാകും. സൂര്യപ്രകാശത്തിലെ ഫോട്ടോണുകൾ സിലിക്കൺ ആറ്റങ്ങളിൽ പതിക്കുമ്പോൾ ഇലക്ട്രോണുകൾ മോചിതമാകുകയും, P-N ജംഗ്ഷനിലൂടെ സഞ്ചരിച്ച് വൈദ്യുത പ്രവാഹം സൃഷ്ടിക്കുകയും ചെയ്യുന്നു. ഇത് DC (Direct Current) ആയി ശേഖരിക്കപ്പെടുന്നു. ഉപയോഗയോഗ്യമായ AC (Alternating Current) വൈദ്യുതിയിലേക്ക് മാറ്റാൻ ഇൻവെർട്ടറുകൾ ഉപയോഗിക്കുന്നു.

ഒരു സമഗ്രമായ സോളാർ സിസ്റ്റം പല ഘടകങ്ങൾ അടങ്ങുന്നതാണ്: സോളാർ പാനലുകൾ (മോണോക്രിസ്റ്റലിൻ, പോളിക്രിസ്റ്റലിൻ, തിൻ ഫിലിം), ഇൻവെർട്ടറുകൾ (സ്ട്രിംഗ് ഇൻവെർട്ടർ, പവർ ഒപ്റ്റിമൈസർ, മൈക്രോ ഇൻവെർട്ടർ), മൗണ്ടിംഗ് സിസ്റ്റങ്ങൾ (റൂഫ്‌ടോപ്പ്, ഗ്രൗണ്ട്, ട്രാക്കിംഗ്), ബാറ്ററി സ്റ്റോറേജ് (ലിഥിയം അയൺ, ലെഡ് ആസിഡ്, സാൾട്ട് വാട്ടർ) എന്നിവ കൂടാതെ പ്രകടനം നിരീക്ഷിക്കുന്ന മോണിറ്ററിംഗ് സിസ്റ്റവും ഉണ്ടായിരിക്കും.

സോളാർ വൈദ്യുതി നിരവധി ഗുണങ്ങൾ വാഗ്ദാനം ചെയ്യുന്നു. ഏറ്റവും പ്രധാനമായി, ഇത് പൂർണമായും പരിസ്ഥിതി സൗഹൃദമാണ്. ഇത് കാർബൺ ഡൈ ഓക്സൈഡ് പോലുള്ള ഹാനികര വാതകങ്ങൾ ഉൽപാദിപ്പിക്കില്ല. സൂര്യൻ ഒരു അനന്തമായ ഊർജ്ജ സ്രോതസ്സായതിനാൽ സോളാർ വൈദ്യുതി പുനരുപയോഗയോഗ്യവുമാണ്. സിസ്റ്റം സ്ഥാപിക്കുന്നതിന് പ്രാരംഭ നിക്ഷേപം ആവശ്യമായെങ്കിലും, ദീർഘകാലം ഉപയോഗിക്കുമ്പോൾ അത് വലിയ സാമ്പത്തിക ലാഭം നൽകുന്നു. കൂടാതെ, ഇത് കുറഞ്ഞ പരിപാലനച്ചെലവിലും വൈദ്യുതിയിലുണ്ടാകുന്ന സ്വാശ്രയത്വം ലഭ്യമാക്കുന്നതുമാണ്.

എന്നാൽ ചില വെല്ലുവിളികളും സോളാർ വൈദ്യുതിക്ക് നിലവിലുണ്ട്. അതിന്റേ എഫിഷ്യൻസി കാലാവസ്ഥയെ ആശ്രയിച്ചിരിക്കുന്നു, പ്രത്യേകിച്ച് മേഘാവൃതമായ ദിവസങ്ങളിൽ. പ്രാരംഭ ചെലവും ചിലര്ക്ക് ബുദ്ധിമുട്ടാകാം. സ്ഥല ലഭ്യതയും, സൂര്യാസ്തമയത്തിനു ശേഷം വൈദ്യുതി സേഫ് ചെയ്യാനുള്ള ബാറ്ററികളുടെ ആവശ്യകതയും മറ്റുമാണ് മറ്റൊരു വെല്ലുവിളി.

ഭാരതത്തിൽ സോളാർ വൈദ്യുതി രംഗത്ത് വലിയ പുരോഗതിയുണ്ടായിട്ടുണ്ട്.  പിഎം സൂര്യ ഘർ യോജന , സോളാർ പാർക്ക് സ്കീം തുടങ്ങിയവയിലൂടെ കേന്ദ്ര സർക്കാർ നിരവധി പദ്ധതികൾ നടപ്പിലാക്കിയിട്ടുണ്ട്. കേരളത്തിൽ വർഷത്തിൽ ശരാശരി 300 ദിവസം സൂര്യപ്രകാശം ലഭിക്കുന്നതിനാൽ സോളാർ വൈദ്യുതിക്ക് വലിയ സാധ്യതകൾ ഉണ്ട്. കേരള സർക്കാർ സോളാർ മിഷൻ വഴി ഈ മേഖലയെ ശക്തമായി പ്രോത്സാഹിപ്പിക്കുന്നു.

സോളാർ സിസ്റ്റം   മേൽക്കൂരയുടെ അവസ്ഥ പരിശോധിക്കാനും, വിശ്വസനീയമായ കമ്പനി തിരഞ്ഞെടുക്കാനും, വാറന്റിയും സേവനവും മനസ്സിലാക്കാനും ശ്രദ്ധ വേണം. ഭാവിയിൽ, പെറോവ്സ്കൈറ്റ് സെല്ലുകൾ, ബൈഫേഷ്യൽ പാനലുകൾ, ഫ്ലോട്ടിംഗ് സോളാർ പാർക്കുകൾ തുടങ്ങിയ പുതിയ സാങ്കേതിക വിദ്യകൾ സോളാർ മേഖലയെ കൂടുതൽ മുന്നോട്ട് നയിക്കും.

സോളാർ വൈദ്യുതി നമ്മുടെ ഭാവിയുടെ ഊർജ്ജ പരിഹാരമാണ്. പരിസ്ഥിതി സംരക്ഷണത്തിനും, സാമ്പത്തിക സ്വാതന്ത്ര്യത്തിനും, ഊർജ്ജ സുരക്ഷയ്ക്കും വേണ്ടി individuals മുതൽ സർക്കാർ വരെ ഒരുമിച്ച് പ്രവർത്തിക്കേണ്ടത് കാലത്തിന്റെ ആവശ്യം തന്നെയാണ്. ഓരോരുത്തരും ഈ ഊർജ്ജ വിപ്ലവത്തിൽ പങ്കാളികളാകുമ്പോഴാണ് ഇന്ത്യയുടെ ഊർജ്ജഭാവി കൂടുതൽ സുസ്ഥിരമാകുന്നത്.